Luchungechunge lwekutsengisa lwebalimi labancane ?
LITIKO: TEKULIMA
Tinyatselo tekutsengisa imfuyo yakho
Sinyatselo 1: Emalungiselelo
Ncuma kutsi ngutiphi tilwane lotatitsengisa futsi kungani.
Tintfo letingabukwa:
Ikhwalithi nekuhlukaniswa
Luhlelombiso lwekwehlukanisa luncunywa ngeminyaka, kunona, umtimba, kulimala nangebulili.
Sikhulu sekutsengisa singakuncedza kwehlukanisa tilwane.
Bunyenti
Balimi kumele bente tinhlangano nobe emacembu ekusebentisana kute bakhulise sibalo sesitoko futsi behlise tindleko tekwetfwala tilwane.
Sisindvo
Kutawudzingeka kutsi uncume sisindvo sesilwane ngaphambi kwentsengiso.
Sinyatselo 2: Lungiselela intsengiso
Chumana nesikhulu sekutsengisa ubute ngetintsengo kanye netintfo tasemakethe jikelele.
Niketa umnininingwane lofanele ngekhwalithi nangekuhlukaniswa, simo sekukhulelwa, sisindvo futsi, lokubaluleke kakhulu, intsengo lebekiwe yemfuyo yakho.
Beka indzawo yekutsengiswa kwemfuyo yakho ngelilanga lelibekiwe.
Cinisekisa kutsi yonkhe imfuyo yakho inetimphawu tekubonwa letisemtsetfweni.
Enta emalungiselelo ekutfwala kwemfuyo.
Tfola sitifiketi sekutfwala kwemfuyo kuMaphoyisa ekuNtjontjwa kweMfuyo endzawo.
Ngaphandle kwalomculu ungahlawuliswa nobe tilwane takho titsatfwe.
Sinyatselo 3: Endzaweni yekutsengiswa
Gcwalisa lifomu lekweMukelwa lelineligama lakho, likheli, inombolo yaMatisi kanye nemininingwane yekubonwa kwemfuyo yakho.
Khumbula kutsi imfuyo yakho ngeyakho futsi ingumtfwalo wakho.
Intsengiso iphela uma ngabe utsi ?tsengisiwe?.
Sinyatselo 4: Emva kwentsengiso
Kuphetsa kutsengiselana.
Dvweba sitatimende sekucedza konkhe futsi cinisekisa kutsi yonkhe imininingwane ingiyo kahle.
Tsatsa inkhokhelo.
Kungaba ngukheshi nobe lisheke. Cinisekisa kutsi yonkhe imidanti leseshekeni ingiyo kahle.
Indlela lephephile kutsi imali yakho ifakwe ku-akhawunti yelibhange lakho.
Umtsengi udzinga umculu wemvume lotfolakala kuMaphoyisa ekuNtjontjwa kweMfuyo endzawo kute atfwale lemfuyo.
Kungumcondvo lomuhle kuhambela intsengiso ngaphambi kwekutsi utfumele imfuyo yakho kwekucala. Nobe hamba nemuntfu loke wanyenta lentfo ngaphambilini.
Ncuma sisindvo lekungiso sesilwane ngaphambi kwentsengiso.
Indzawo yeluphawu lekubonwa lelisemtsetfweni. Imaki ifakwa endlebeni yangasencele nobe yesekudla. Kushiswa kwentiwa kwentiwa emlenteni nobe emkhonweni.
Imaki
Kushiswa
TSENGISIWE!
